യുവജനങ്ങളെക്കുറിച്ചും ജീസസ് യുത്ത് മുന്നേറ്റത്തെക്കുറിച്ചുമുള്ള സ്വപ്നങ്ങളും കരുതലും പങ്കുവച്ച് മലങ്കര സഭയുടെ അധ്യക്ഷന്‍ കര്‍ദിനാള്‍ ക്ലീമിസ്ബാവ കെയ്‌റോസിനോടൊപ്പം

സഭാംഗങ്ങളില്‍ ബഹുഭൂരിപക്ഷവും യുവജനങ്ങളാണ്. പിതാവിന്റെ കാഴ്ചപ്പാടില്‍ അവര്‍ക്ക് സഭയില്‍ എത്രത്തോളം പ്രാധാന്യമുണ്ട്?

മനുഷ്യ ജീവിതത്തിന്റെ ഏറ്റവും ഊര്‍ജസ്വലമായ ഭാഗമാണ് യുവത്വം. എല്ലാ തലത്തിലും ജീവിതത്തിന്റെ ഇഷ്ടങ്ങളും നിയോഗങ്ങളും കൂടാതെ അടിസ്ഥാന ജീവിത വിശ്വാസങ്ങളും ആര്‍ജിക്കുന്നതിനും ഊട്ടി ഉറപ്പിക്കുന്നതിനും ഏറ്റം അനുയോജ്യമായ സമയവും ഇതാണ്. സഭയെ സംബന്ധിച്ച് ഊര്‍ജസ്വലരായ ആത്മാക്കളാണ് സഭയുടെ ബലം, അത് യുവജനത്തിലാണ് കാണാന്‍ കഴിയുക. സഭയെ സംബന്ധിച്ച് യുവജനങ്ങള്‍ അതുല്യമായ സമ്പത്താണ്.

സഭയുടെ കരുത്ത് യുവജനങ്ങളാണെന്ന് പറയുമ്പോള്‍ സഭ അവര്‍ക്ക് ചെയ്യേണ്ട ശുശ്രൂഷയെന്താണ്? യുവജനങ്ങള്‍ വ്യാപരിക്കുന്ന അനേകം മേഖലകളുണ്ട് അവര്‍ അധ്യയനം ചെയ്യുന്ന ഇടങ്ങള്‍, കുടുംബം, നാട്, രാഷ്ട്രം, സുഹൃത്ത് ബന്ധങ്ങള്‍ അങ്ങനെ… ഇതിനിടയില്‍ സഭയെങ്ങനെ അവര്‍ക്ക് പ്രധാനപ്പെട്ടതാകുന്നു?

സഭയിലെ എല്ലാ വിഭാഗം ജനങ്ങളെയും ശ്രദ്ധിക്കേണ്ടണ്ടത് സഭയുടെ ചുമതലയാണ്. എന്നാല്‍, യുവത്വമെന്നുള്ളത് പ്രത്യേക ശ്രദ്ധ അര്‍ഹിക്കുന്ന ഒരു കാലഘട്ടം/വിഭാഗമെന്ന നിലയില്‍ നാം യുവജനങ്ങളുടെ രൂപീകരണത്തില്‍ കാര്യമായ ശ്രദ്ധവയ്ക്കുന്നു. ഇവിടെ യുവജനങ്ങള്‍ക്ക് ആവശ്യമുള്ളത് എന്താണ് എന്നുള്ളതല്ല, മറിച്ച് ദൈവം യുവജനങ്ങള്‍ക്ക് എന്ത് ലഭിക്കണമെന്ന് ആഗ്രഹിക്കുന്നുവോ അത് സഭ അവരുടെ കൂടെനിന്ന് അവര്‍ക്ക് നല്‍കണം. അവരുടെ അഭിരുചികളും ഇഷ്ടങ്ങളും മനസ്സിലാക്കുമ്പോള്‍ അവയില്‍ നല്ലതിലേക്ക് എത്തിച്ചേരാന്‍ യുവജനങ്ങള്‍ക്കൊപ്പം നിന്ന് അവരെ ശക്തിപ്പെടുത്തണം

Please Login to Read More....